Dehäm: Die Palz

10953389_10152827128704103_1458233545507818945_o

Der Donnersberg von Breunigweiler aus

No zwanzig Johr in de Palz bin ich weg. Studiert hab ich im Land Brandenburg, in Hesse, in Schwede und dann in Münche. Ach Brüssel hab ich ganz gut kennegelernt. (Genauer nohlese kann mer des unner „„Mein Leben – bis jetzt“). Seit 13 Johr bin ich aus berufliche Gründ meichtens in Berlin un hab dort moi Firma.

Dodebei bin ich immer Pälser gebleb. Wie oft saht jemand: „Un, fahr’sche häm?“ wann ich mich uff de Weg mach. Un ohne nohsedenke kummt moi Antwort: Nä, ich fahr no Berlin!

Wann ich vun Frankfurt aus bei Mainz-Weisenau iwwer der Rhoi kumm, steht dort: „Willkommen in Rheinland-Pfalz.“ Net dass de Blick uff dortige Zementwerk besonners schä wär – mer is jo dann ach erschd emol in Rhoihesse. Awwer ich hol dann tief Luft, such SWR3 im Radio und die Welt fühlt sich glei annerscht a.

Schunn immer versuch ich möglichst oft dehäm zu soi, was bei guter Organisation und dank Internet ach oft möglich is. Un e alder Traum isses, mit dem was ich kann un gelernt hab, mit meine Kontakte und Erfahrunge, was sinnvolles vun de Palz und Rhoiland-Pfalz aus und fer moi Heimat se mache.

 

Awwer annerschtwo is annerscht

Warscht du ämol uf de Kalmit, oder uf de Dahnerhöh?
hoscht du emol a’me Herbschdag moins de Newwel steige gseh?
bischt mol barfuß durch die Wies gerennt, oder unner Bäm?
dich bloß hiegeleht die Ache zu un efach bloß geträmt?

Warscht im Summer onem Baggerloch, hot dich a Schnog gejuggt?
un du hoscht de liewe lange Daach bloß in die Luft geguggt?
warscht du owens mit me Sunnebrand uf doim Balkon geleh?
un du hoscht beim Sunneunnergang die Schwalbe flie geseh?

Des wär alles nix besonnres sagscht du un du müschtch jetzt geh
weil es gäb außer de Palz jo a noch anneres zu seh
sicher hoscht du recht wonn du sagscht dass ders annerschtwo a gfallt
awwer annerschtwo is annerscht, und halt net wie in de Palz!

(Die anonyme Giddarischde)

Un do-> gebt’s des Palzlied zum Zuheere! So macht Patriotismus Sinn, so vedrat er sich mit dem von alle annere!