persönlich

Annerschtwo is’s annerscht


Anderswo ist es anders, sicher auch schön – aber eben nicht wie zuhause. Das ist genau mein Patriotismus, hier besungen von den anonyme Giddarischde.

Mer hot vielleicht, genau betracht
sich den Gedanke nie gemacht
Was an de Pals so annerscht is
doch ännert sich das ganz gewiss
wann mer mo ganz woannerscht is
wann mer mol fort muss vun dehäm
gebt’s dort vielleicht auch Wald und Bäm
doch fehlt der dann am Schluss vielleicht
äner der uff pälzisch kreischt


Voilá – fer jeden der die Palz vermisst
weil er jetzt ganz woannerst iss
un ganz genauso ebenfalls
fer alle Pälzer in die Palz:

Warscht du ämol uf de Kalmit, oder uf de Dahnerhöh?
hoscht du emol a’me Herbschdag moins de Newwel steige gseh?
bischt mol barfuß durch die Wies gerennt, oder unner Bäm?
dich bloß hiegeleht die Ache zu un efach bloß geträmt?

Des wär alles nix besonnres sagscht du un du müschtch jetzt geh
weil es gäb außer de Palz jo a noch anneres zu seh
sicher hoscht du recht wonn du sagscht dass ders annerschtwo a gfallt
awwer annerschtwo is annerscht, und halt net wie in de Palz

Warscht im Summer onem Baggerloch, hot dich a Schnog gejuggt?
un du hoscht de liewe lange Daach bloß in die Luft geguggt?
warscht du owens mit me Sunnebrand uf doim Balkon geleh?
un du hoscht beim Sunneunnergang die Schwalbe fliege seh

Des wär alles nix besonnres sagscht du un du müschtch jetzt geh
weil es gäb außer de Palz jo a noch anneres zu seh
sicher hoscht du recht wonn du sagscht dass ders annerschtwo a gfallt
awwer annerschtwo is annerscht, und halt net wie in de Palz

Kennscht du Trippstadt, Herdlingshause, Grienschtadt, Eiseberg un Forscht?
hoscht du emol uf nem Woifscht denne Leid dort zugehorcht?
trinkst du gern emol en Schorle un ischt gern e Lewwerworscht?
gehscht du efters in die Volle un hoscht mehr wie annre Dorscht?

Des wär alles nix besonnres sagscht du un du müschtch jetzt geh
weil es gäb außer de Palz jo a noch anneres zu seh
sicher hoscht du recht wonn du sagscht dass ders annerschtwo a gfallt
awwer annerschtwo is annerscht, und halt net wie in de Palz!

Live-Version
Studio-Version
Gerne können Sie diesen Beitrag teilen

Autor

Diplom-Ökonom, Diplom-Politologe, MSc. in European Accounting and Finance Geschäftsführer bei polyspektiv, Vorstandsmitglied bei der EBD Wohnhaft in Berlin und in der Pfalz

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert